Certifikimi i Trajnerëve për Sigurinë dhe Shëndetin në Punë

Kërkesat për kandidatët

Kandidati që duhet të certifikohet si trajner për sigurinë dhe shëndetin në punë, duhet të plotësojë kushtet dhe kriteret e mëposhtme:

• Ka një Certifikatë të vlefshme të Ekspertit;
• Ka punuar së paku 2 vjet si ekspert për sigurinë dhe shëndetin në punë;
• Ka përfunduar një kurs trajnimi të specializuar në lidhje me trajnimin e të rriturve, i cili ka zgjatur të paktën 20 orë.

Procedura e aplikimit për certifikim

 Kandidati duhet të dorëzojë në Sekretariat aplikimin që përmban informacionin e mëposhtëm:

• Emrin dhe mbiemrin e kandidatit;
• Numrin e letërnjoftimit;
• Detajet e kontaktit – adresa, numri i telefonit dhe adresa e-mail;
• Informacion për kursin e specializuar të trajnimit në lidhje me trajnimin e të rriturve;
• Pohimin e vërtetësisë së informacionit dhe nënshkrimin e aplikuesit;
• Datën e aplikimit;
• Listën e dokumenteve të bashkangjitura.

 Aplikimit duhet t’i bashkëngjiten dokumentet e mëposhtme:

• Kopje të Certifikatës së vlefshme të Ekspertit;
• Dëshmi për kursin e specializuar të trajnimit në lidhje me trajnimin e të rriturve;
• Kopje të letërnjoftimit të Republikës së Kosovës;
• Kopje e pagesës së tarifës së përcaktuar.
• Shkarko kërkesën:  Kërkesë për Certifikimin e Trajnerëve për SSHP

Dorëzimi i të dhënave të pavërteta nga aplikanti mund të jetë arsye për diskualifikim nga procesi i certifikimit, ose për tërheqjen e Certifikatës së lëshuar të Trajnerit, nëse kjo zbulohet më vonë.

Tarifa administrative për certifikim

 Tarifa administrative për certifikim është 50 euro.

Tërheqja e Certifikatës së Trajnerit

Vendimi për tërheqjen e certifikatës së trajnerit merret nga Komisioni për Sigurinë dhe Shëndetin në Punë në bazë të propozimit të Inspektoratit të Punës në rastet e mëposhtme:

• Nëse inspektori i punës ka dëshmi se trajneri për sigurinë dhe shëndetin në punë ka kryer aktivitete në kundërshtim me Ligjin për Sigurinë dhe Shëndetin në Punë ose aktet nënligjore përkatëse;
• Nëse inspektori i punës ka dëshmi se trajneri për sigurinë dhe shëndetin në punë nuk e ka ofruar trajnimin në përputhje me këtë Rregullore.

Komisioni për Sigurinë dhe Shëndetin në Punë mund ta tërheqë Certifikatën e Trajnerit pasi të verifikojë se:

• Trajneri për sigurinë dhe shëndetin në punë ka dorëzuar dokumente të pavërteta;
• Personi nuk i plotëson kushtet e nevojshme për lëshimin e Certifikatës së Trajnerit;
• Është tërhequr Certifikata e Ekspertit e trajnerit për sigurinë dhe shëndetin në punë.

Vendimi për tërheqjen e Certifikatës së Trajnerit merret në bazë të shqyrtimit të hollësishëm të arsyeve për tërheqjen.

Nëse tërhiqet Certifikata e Trajnerit, personi mund të aplikojë për një Certifikatë të re të Trajnerit, jo më parë se njëzet e katër (24) muaj nga data e tërheqjes së Certifikatës së Trajnerit.

Lista e trajnereve per Sigurine dhe Shendetin ne Pune

Informatat kontaktuese:

Sekretariati;
Departamenti i Punës dhe Punësimit, Sheshi “ Edit Durham” Prishtinë
Orët për konsultim:
09:00 deri 11:00  – 13:30 deri 15:00  
Info.sshp@rks-gov.net