Divizioni për Burime Njerëzore

Divizioni për Burime Njerëzore ka për mision të sigurojë menaxhimin efektiv të burimeve njerëzore, përmes zhvillimit të procedurave dhe shërbimeve që kontribuojnë në arritjen e qëllimeve të institucionit dhe punonjësve.

Detyrat dhe përgjegjësitë e Divizionit për Burime Njerëzore, janë:

• Analizon nevojat e punësimit dhe zhvillon planin e personelit;
• Koordinon dhe/ose siguron procesin e rekrutimit për zyrtarët e Ministrisë dhe për pozitat e tjera specifike;
• Identifikon dhe vlerëson nevojat për zhvillimin e kapaciteteve të personelit, siguron trajnime adekuate dhe vlerëson ndikimin e trajnimeve;
• Ofron mbështetje në hartimin e objektivave të planit individual të punës dhe procesin e vlerësimit të rezultateve në punë të personelit;
• Ndihmon njësitë përkatëse në përgatitjen e përshkrimit të vendeve të punës, klasifikimin e vendeve të punës dhe sistematizimin e vendeve të punës;
• Administron pagat, kompensimet në pagë, shpërblimet dhe shtesat në pagë të zyrtarëve publikë dhe të ngjashme;
• Mbështet dhe ofron rekomandime për zyrtarin kryesor administrativ, rreth evitimit të mosmarrëveshjeve ndërmjet të punësuarve të Ministrisë;
• Administron dosjet e personelit (dosje individuale) të Ministrisë dhe vendos të dhënat e proceseve dhe procedurave në sistemet elektronike;
• Administron vijueshmërisë e stafit në punë;
• Menaxhon procedurat disiplinore, duke ofruar mbështetje administrative për komisionin disiplinor dhe/ose komisionin e ankesave;
• Përgatit raportin vjetor për menaxhimin e burimeve njerëzore dhe raporteve, apo evidencave tjera për menaxhimin e burimeve njerëzore sipas kërkesave; dhe
• Siguron realizimin e të drejtave dhe detyrimeve të të punësuarve në kuadër të Ligjit përkatës për Zyrtarët Publikë.

Udhëheqësi i Divizionit për Burime Njerëzore, raporton te Sekretari i Përgjithshëm.