Detyrat dhe përgjegjësitë e Divizionit të Komisioneve Mjekësore janë:
Menaxhimi dhe administrimi i punës së të gjitha komisioneve mjekësore me qëllim të vlerësimit të të gjitha kërkesave të aplikuesëve në skemat e pensioneve, beneficioneve dhe përfitimeve tjera të menaxhuara nga MPMS-ja;
Vendosja dhe zbatimi i procedurave ligjore dhe mjekësore në përputhje me dispozitat e ligjeve të aplikueshme.
Shqyrtimi dhe rishqyrtimi e kërkesave për njohjen e të drejtave të aplikuesëve në skemat pensionale dhe sociale;
Rregullimi dhe përcaktimi i procedurave për angazhimin e mjekëve në komisione mjekësore sipas kërkesave të departamenteve përkatëse të MPMS-së;
Propozimi dhe përcaktimi i përbërjes së komisioneve profesionale mjekësore dhe caktimi i orarit për seancat e komisioneve mjekësore;
Bashkëpunimi dhe komunikimi me departamentet përkatëse të MPMS-së për avancimin dhe ligjshmërinë e punës së komisioneve mjekësore.
Kompletimi dhe rishikimi i evidencës mjekësore për të gjithë shfrytëzuesit e të drejtave në skemat pensionale dhe sociale të cilat menaxhohen dhe administrohen nga MPMS-ja;
Zbatimi i drejtë dhe i plotë i strategjive dhe politikave lidhur me trajtimet shëndetësore të përcaktuara me ligj;
Zbatimi i detyrave dhe përgjegjësive tjera të përcaktuara me aktet e tjera nënligjore të aprovuara nga MPMS-ja.
Zbatimi dhe aplikimi i rregullave dhe standardeve shëndetësore të përcaktuara në legjislacionin e shëndetësisë.
Udhëheqësi i Divizionit të Komisioneve Mjekësore raporton tek udhëheqësi i Departamentit të Pensioneve.
