Detyrat dhe përgjegjësitë e Divizionit për Menaxhim të Aplikacioneve, janë:
Menaxhon kërkesat për zhvillimin, avancimin, administrimin dhe ndryshimin e aplikacioneve të punës dhe zgjidhjen e problemeve me aplikacione;
Përgatit dhe përditëson dokumentimin teknik (specifikimet teknike) për zhvillim, administrimin dhe mirëmbajtjen e të gjitha aplikacioneve softuerike;
Organizon dhe mirëmban dokumentacionin e përditësuar teknik, për të gjitha aplikacionet operacionale të punës;
Menaxhon ekipin që mbështet aplikacionet e punës;
Bashkëpunon me grupin e biznesit lidhur me aplikacionet për identifikimin e fushave për përmirësimin, dizajnimin, administrimin dhe zhvillimin e aplikacioneve të reja;
Përcakton kërkesat për infrastrukturë të TI-së gjatë zhvillimit të aplikacioneve të reja të punës, ose përmirësimit, avancimit të aplikacioneve ekzistuese;
Përcakton standardet për platformat teknologjike për aplikacionet e punës dhe arkitekturën e aplikacioneve të punës, në pajtim me modelin arkitektonik të organizatës;
Hulumton dhe inicion risitë, në lidhje me aplikacionet e punës, në pajtim me synimet dhe objektivat e punës;
Hulumton, planifikon dhe propozon zgjidhje për sistemet e integruara në bazë të nevojave të punës, për shkëmbimin e të dhënave dhe ndërveprimin e sistemeve;
Planifikon, menaxhon dhe administron të gjitha aplikacionet e reja, ato të përmirësuarat, ose zëvendësimin e aplikacioneve përmes tërë SDLC: dizajnimit, zhvillimit/ ekzekutimit dhe zbatimit;
Kryen testimin e hollësishëm të aplikacioneve të reja / funksioneve të reja, ose ndryshimeve të atyre ekzistuese, para vënies në funksion në bashkëpunim me biznesin;
Zhvillon dhe mirëmban procedurat dhe politikat e përditësuara, lidhur me aplikacionet e punës të Ministrisë;
Përcakton kërkesat vjetore buxhetore për aplikacionet e punës;
Siguron përdorim të sistemeve të TI-së përmes identifikimit dhe organizimit të trajnimeve për përdoruesit e sistemit të TI-së, si dhe përgatitjes dhe përditësimit të manualeve, udhëzuesve teknikë për përdoruesit e sistemeve;
Menaxhon qasjen në kodin burimor për sistemet e zhvilluara dhe të mirëmbajtura, në Divizionin e Aplikacioneve dhe
Menaxhon mjediset e zhvillimit, mjedisin e testimit dhe mjedisin e drejtpërdrejtë (live), siç është e përcaktuar sipas standardeve ISO 27001 dhe ITIL për praktika korrekte.
Udhëheqësi i Divizionit të Menaxhimit Aplikacioneve, raporton te Drejtori i Departamentit.
