Departamenti Ligjor

Departamenti Ligjor ka për mision koordinimin e procesit të shndërrimit të politikave të Ministrisë në akte normative, në përputhje me rendin juridiko-kushtetues, Acquis të Bashkimit Evropian dhe standardet ndërkombëtare, si dhe ofrimin e mbështetjes ligjore për proceset e ndryshme të Ministrisë.

Detyrat dhe përgjegjësitë e Departamentit Ligjor, janë:

• Koordinon dhe merr pjesë në hartimin e akteve normative dhe dokumenteve të politikave nga fushëveprimi i Ministrisë;
• Siguron përputhshmërinë e legjislacionit të Ministrisë me Acquis të Bashkimit Evropian;
• Siguron përputhshmërinë e legjislacionit të Ministrisë me dispozitat kushtetuese dhe ligjet e aplikueshme në Kosovë;
• Siguron respektimin e teknikave dhe standardeve të hartimit të legjislacionit nga fushëveprimi i Ministrisë;
• Shqyrton dhe është përgjegjës për versionet përfundimtare të projekt akteve normative;
• Ofron asistencë juridike në procesin e negocimit dhe të ratifikimit të marrëveshjeve ndërkombëtare në fushëveprimin e Ministrisë;
• Jep opinione ligjore, rekomandime dhe këshilla ligjore nga fushëveprimi i Ministrisë;
• Analizon dhe indentifikon probleme të zbatimit të akteve normative të Ministrisë;
• Bashkërendon procesin e përgatitjes së Programit Vjetor Legjislativ të Ministrisë dhe Planit Vjetor Legjislativ të Akteve Nënligjore;
• Përfaqëson dhe/ose bashkëpunon me strukturat institucionale në përfaqësimin ligjor të Ministrisë; dhe
• Pranon dhe shqyrton parashtresat dhe ankesat e personave fizikë dhe juridikë, sipas procedurave dhe afateve ligjore të përcaktuara me legjislacionin në fuqi.

Drejtori i Departamentit Ligjor, raporton te Sekretari i Përgjithshëm.

Në kuadër të Departamentit bëjnë pjesë divizionet, si në vijim:

• Divizioni për Hartim të Legjislacionit;
• Divizioni për Përafrimin e Legjislacionit me Acquis;
• Divizioni për Mbështetje Ligjore; dhe
• Divizioni për Shqyrtimin e Ankesave dhe Parashtresave.