Ministri Hoti priti në takim përfaqësuesit e Lidhjes së Organizatave Komunale të Pensionistëve dhe Invalidëve të Punës të Kosovës, me të cilët diskutoi për nevojat, kërkesat dhe çështjet me interes për kategoritë që përfaqësojnë.
Gjatë takimit, Ministri Hoti theksoi se Qeveria ka ndërmarrë hapa të rëndësishëm në avancimin e të drejtave të pensionistëve, përmes ndryshimeve ligjore, rritjes së pensionit bazik nga 90 në 150 euro dhe mbështetjes së vazhdueshme financiare, duke ritheksuar përkushtimin për reformimin e sistemit pensional.
