Departamenti i Pensioneve

Departamenti i Pensioneve ka për mision hartimin e politikave publike në realizimin e të drejtave në pensione dhe benefite të tjera nga sigurimi pensional dhe invalidor, përfshirë edhe kategoritë e dala nga lufta si dhe koordinimin dhe zbatimin e skemave pensionale të financuara nga shteti, përmes degëve lokale të saj.

Detyrat dhe përgjegjësitë e Departamentit të Pensioneve, janë:

• Zhvillon politikat e sistemit pensional, invalidor, aftësisë së kufizuar dhe të kategorive të dala nga lufta
• Zhvillon politikat e sistemit pensional në përputhje me standardet ndërkombëtare
• Siguron sistem të qëndrueshëm afatgjatë pensional dhe invalidor, për siguri më të madhe ekonomike të përfituesve të të drejtave pensionale dhe invalidore, të aftësisë së kufizuar si dhe kategorive të dala nga lufta
• Zhvillon analiza, projeksione financiare afatgjate dhe programe si bazë ekspertësh, për përcaktimin dhe zbatimin e politikës së sigurimit pensional dhe invalidor
• Mbikëqyr drejtpërdrejtë zbatimin e akteve normative në fushëveprimin e Departamentit, dhe punën e degeve lokale
• Udhëheq me procedurat për kthimin e mjeteve të tërhequra për kohë gjatë së cilës përfitimi nga skema nuk është bërë në përputhje me legjislacionin në fuqi
• Administron skemat pensionale dhe invalidore përfshirë edhe skemat pensionale të kategorive të dala nga lufta, të përcaktuara me legjislacionin përkatës në fuqi
• Koordinon planifikimin dhe menaxhimin e buxhetit, për pensione dhe benefite të tjera
• Menaxhon pagesat e pensioneve të përfituesve nga skemat pensionale dhe invalidore
• Menaxhon dhe mirëmban regjistrat dhe statistikat për pagesat e pensioneve të përfituesve nga skemat pensionale dhe invalidore
• Siguron zbatimin e procedurave për realizimin e të drejtave për pensione, për qytetarët e Kosovës që kanë punuar jashtë vendit dhe anasjelltas
• Mirëmban dokumentacionin për të gjitha shpenzimet lidhur me shpërndarjen e pensioneve
• Harton raportet e rregullta periodike nga fusha e pensioneve
• Monitoron zbatimin e strategjive dhe planeve të veprimit

Drejtori i Departamentit të Pensioneve, raporton te Sekretari i Përgjithshëm

Në kuadër të Departamentit bëjnë pjesë divizionet, si në vijim:

• Divizioni për Politika Pensionale dhe Invalidore
• Divizioni për Pensione të Jashtme
• Divizioni për Administrimin e Skemave Pensionale. 
• Divizioni për Administrimin e Skemave Pensionale për Kategoritë e Luftës