Për garantimin e zbatimit të masave për të parandaluar aksidentet në punë dhe sëmundjet profesionale, sipas nenit 13 të Ligjit të SShP-së, punëdhënësi është i detyruar që të:
mbikëqyr punën dhe cilësinë e shërbimeve të ofruara të personave ose të shërbimeve të jashtme të kontraktuara për sigurinë dhe shëndetin në punë;
ndërmarr masat për të siguruar materialet e nevojshme për informimin dhe trajnimin e të punësuarve dhe të vendosë shenja adekuate për siguri, postera, fletushka, filma, filmime të lidhura me sigurinë dhe shëndetin në punë;
siguroj që të punësuarit të jenë të pajisur me kualifikimet përkatëse profesionale;
siguroj funksionimin e vazhdueshëm dhe të duhur të sistemeve dhe mjeteve mbrojtëse, mjeteve të matjes dhe të kontrollit, si dhe të pajisjeve të diktimit, mbajtjes nën kontroll dhe neutralizimit të substancave të rrezikshme që lirohen gjatë zhvillimit të proceseve të punës;
marr në punë të punësuarin në bazë të ekzaminimit mjekësor të tij, në varësi të vendit të punës;
lejoj të punësuarin të marrë pjesë në inspektim dhe hetim, me kërkesën e inspektorit të punës, dhe të lejojë përfaqësuesin e të punësuarve, me kërkesën e këtij të fundit, të marrë pjesë gjatë vizitës së inspektimit, si dhe në rastet e hetimeve;
ruaj të gjitha provat në vendngjarje ku ka ndodhur aksidenti me pasojë vdekjen, qoftë ky dhe kolektiv, me përjashtim të rasteve kur ruajtja e atyre provave në vendngjarje mund të shkaktojë një tjetër aksident;
siguroj numër të mjaftueshëm të aparateve për fikjen e zjarrit dhe të njëjtat të jenë me mbushje adekuate sipas llojit të shkaktarit të zjarrit;
mbaj në gjendje të rregullt aparatet për fikjen e zjarrit dhe t’i rimbushë në afate të caktuara të cilat shënohen në tiketën e vendosur në aparat, instaloj aparatet për fikjen e zjarrit në vendet e duhura;
instaloj hidrantë në kompanitë ku ka risk të shtuar për shpërthimin e zjarrit dhe ku konsiderohet që aparatet për fikjen e zjarrit nuk janë të mjaftueshme;
të shënoj qartë ndalimin e pirjes së duhanit në vendet e punës dhe në vende publike;
pajis të punësuarit, në mënyrë të detyrueshme, me pajisje mbrojtëse individuale, të siguroj mirëmbajtjen e tyre dhe të respektojë afatet e skadimit të përdorimit të tyre.
